Ish-ministrja Besa Shanini ka ndarë sot me ndjekësit një lajm të bukur. Shahini është bërë nënë për herë të parë e një vajze. Lajmin emocionues, e ka bërë me dije vetë ish-ministrja me anë të një postimi ne rrjetet sociale. Shahini ka ndarë foton me vogëlushen të cilën e mban në krah, duke specifikuar se ka zgjedhur Tiranën për të lindur të bijën, qenë se bashkëshorti i saj Dardan Molliqaj jeton dhe ka një karrierë në Kosovë.
“Bashkë me pranverën erdhi edhe vajza jonë në Tiranë. Ajo lindi në spitalin publik SUOGJ Koco Gliozheni me ndihmën mjekut fantastik dhe mikut tonë të mirë, Dr. Orion Gliozheni. Më duhet të nënvijëzoj që kujdesi dhe shërbimi i gjithë ekipit mjekësor dhe ndihmës ishte i jashtëzakonshëm. Përkundër vështirësive që solli pandemia COVID-19, në spitalin publik ofrohet shërbim i mirë mjekësor, me qetësi dhe zemërgjërësi. Shumë faleminderit për punën që bëni Një vlerësim i dytë, por tani më i përgjithshëm, duhet t’u shkojë edhe politikbërësve që me ngulm vazhdojnë të investojnë në maternitetet publike gjithandej Shqipërisë. Gjithmonë mbetet më shumë për t’u bërë, por sot e kisha të rëndësishme të nënvijëzoj se sa shumë tashmë është bërë në Shqipëri që grave t’u përmirësohet eksperienca e lindjes dhe qytetarëve më të rinj të Shqipërisë t’u sigurohet një fillim i shëndetshëm në jetë. Ogerta Manastirliu dhe ekipi i shëndetësisë”shkruan ajo në postimin e saj.
Discussion about this post