Kukësi nuk ia doli do të merrte 3 pikë në përballjen me Tiranën, teksa takimi i luajtur në “Egnatia Arena” u mbyll në barazim 0-0 mes dy ekipeve.
Pas ndeshje trajneri Diego Longo ka analizuar këtë sfidë, teksa ka theksuar se ndaj bardhebluve një barazim është një rezultat pozitiv.
Tekniku italian tha se skuadra interpretoi si duhet sfidën ndaj kryesuesve, teksa u shpreh optimist që Kukësi do të ruajë vendin në treshen e parë të renditjes.
“Sot jam i kënaqur për mënyrën si ekipi luajti, pasi kishim rastet tona me Taipin e Ndrecën. Kishim edhe mungesa si Feijao, Basha e Milunovic, ndaj jam i kënaqur. Edhe Tiranës po t’i heqësh 2-3 titullarë, do të ketë probleme sigurisht.
Shkurtaj është shumë i rëndësishëm për ne, por fatkeqësisht është i dëmtuar. Ai ka një problem në gju dhe nuk e di kur mund të rikthehet që të japë kontributin.
Të them të drejtën, në periudhën e fundit kam parë të njëjtin shpirt gare, si ndaj Vllaznisë për shembull. Po tregojmë në fushë të njëjtin shpirt gare që po shfaqim edhe në stërvitje.
Unë jam i sigurt që do të renditemi në treshen e parë, pasi shoh lojën e ekipit, shpirtin e garës, mënyrën si stërvitemi, etj., ndaj jam i sigurt”, u shpreh Longo.
Discussion about this post