Ngacmoi seksualisht të bijën e mitur, jepet vendimi për 61-vjeçarin në Korçë

Jani Kallajxhi, pasi u arrestua me akuzën se ka ngacmuar seksualisht vajzën e tij 8 vjeçe, do të qëndrojë në burg deri në përfundim të hetimeve.

Gjykata e Korçës ka caktuar masën e sigurisë “arrest me burg” per babain, duke pranuar kërkesën e prokurorisë.
Në seancën për caktimin e masës së sigurisë dhe vleftësimin e ligjshmërisë së arrestit që u mbajt të dielën, 61-vjeçari ka mohuar akuzat para gjykatës.

Ai është shprehur se nuk i ka bërë asgjë vajzës dhe nuk e ka ngacmuar. “Unë jam kujdesur për vajzën time pasi bashkëshorten e kam të sëmurë”, mësohet të jetë shprehur 61-vjeçari.

Çështja e ngacmimit të vjazës 8 vjeçe do të gjykohet nga Seksioni i të Miturve në Gjykatën e Korçës.