Nënkryetari i LSI-së, Petrit Vasili ka akuzuar kryeministrin Edi Rama në lidhje me çështjen e detit me Greqinë.
Përmes një postimi në ‘Facebook’ Vasili shtron pyetjen se peng i kujt është kryeministri Rama që shkel veten dhe ato që thoshte ai në 29 gusht të vitit të kaluar. Mes të tjerash ai kujtoi edhe deklaratën e Ramës.
Mesazhi i plote:
Peng i kujt eshte Rama qe shkel veten dhe ato qe thoshte ne 29 gusht 2020 per kufirin detar me Greqine??
Ne nje deklarate kilometrike ne FB Rama ne 29 gusht 2020 deklaronte:
“Po shtoj këtu edhe një detaj teknik, por kuptimplotë. Grupi ynë negociator për çështjen e detit ka nevojë për ndryshime, pasi disa anëtarë të tij janë larguar nga pozicionet që mbulonin kur janë zgjedhur në grupin negociator.
Këto ndryshime do të bëhen nëse do të rinisin negociatat dhe këto ndryshime nuk bëhen pa miratimin nga Presidenti të anëtarëve të rinj – jashtë grupit negociator askush, as kryeministri, nuk negocion dot asgjë dhe nuk shet e as blen dot asnjë litër ujë deti.
E dyta, çfarëdo marrëveshje që arrihet në nivelin e grupit negociator, duhet të marrë miratimin e Presidentit, i cili ka thënë se marrëveshjen e mundshme do t’ia çojë Gjykatës Kushtetuese.
Dhe e treta, marrëveshja që të marrë vlerë përfundimtare, shkon në parlament për të marrë vulën përfundimtare të Sovranit.”
Pra Edi Rama e dika shume mire se si behet dhe miratohet nje Marreveshje per Kufijte Shteterore por tani mohon veten dhe gjithe ç’ka deklaruar ndaj e pyesim sot:
Pengu i kujt dhe i cilit interes personal eshte bere Edi Rama, qe po shet jo nje liter uje deti, por te gjithe detin e Shqiperise??
Peng i kujt dhe i cilit interes personal eshte Rama qe vendos per nje zgjidhje qe e ve Shqiperine ne dizavantazh dhume te qarte dhe te nje humbjeje te paralajmeruar perballe Greqise ne Gjykaten Nderkombetare??
Peng i kujt dhe i cilit interes personal eshte Edi Rama, qe Marreveshjen politike me Greqine, e cila sipas Ministrit te Jashtem grek Dendias eshte mbyllur ne tetor, nuk e ka çuar as ne Kuvend dhe as te Presidenti??
Peng i kujt dhe i cilit interes personal eshte bere Edi Rama, qe ben veprime te tilla kaq te renda, qe Kushtetuta ja ndalon kategorikisht, duke konsumuar krimin e tradhetise se larte, pasi nuk eshte dhe s’mund te jete gje tjeter shitja e kufijve shteterore, qe ai po kryen??
Pergjigja e ketyre pyetjeve eshte e pashmangshme dhe detyruese sepse kufijte detare jane te Shqiperise dhe jo te qeverise!!
