Teksa debati për Presidentin e ri ka ditë që janë temë kryesore në opinionin publik, mesa duket edhe politika nuk ka qëndruar pas. Për më shumë se 60 minuta në zyrën e kryetares së Kuvendit Lindita Nikolla, qëndruan Taulant Balla, Elisa Spiropali dhe Damian Gjiknuri, të mandatuarit e Ramës për të udhëhequr procesin e përzgjedhjes së kreut të ri të shtetit. Burime nga ky takim pohuan se qëllimi takimit ishte përcaktimi dy kalendarëve të punës. Atë të hapave që do të ndërmarrë grupi parlamentar socialist dhe kuvendi. Gjithashtu mësohet se në këtë takim është dakordësuar dërgimi ftesës për t’u përfshirë në konsultime i tre kryetarëve të tre grupeve parlamentarë të opozitës.
Përballë Ballës, Spiropalit dhe Gjiknurit në takime do të ulen Enkelejd Alibeaj kryetar i grupit parlamentar të PD, Fatmir Mediu kryetar grupi Aleanca për Ndryshim si dhe Mesila Doda e grupit parlamentar Demokraci dhe Integrim. Socialistët janë të gatshëm të mirëpresin sugjerimet se si e mendojnë identikitin e presidentit të ri, pse jo edhe propozime me emra konkretë. Ky hap i shumicës që nxjerr jashtë loje dhe nuk faktorizon Sali Berishën, ishte paralajmëruar pak ditë më parë, nga vetë kryeministri, por ne dreken e te hënës, u rikonfirmua nga ministrja për marrëdhëniet me parlamentin Elisa Spiropali në një intervistë për Top Channel.
“Sali Berisha po vetëpërjashtohet nga një proces që as është i ftuar, e as ka për të qenë i ftuar.”
Jo thjesht një dëshirë e Edi Ramës, qëndrimi për ta mbajtur larg këtij procesi Sali Berishën është një kërkesë e prerë nga SHBA përmes Gabriel Eskobar në vizitën e fundit në Tiranë, kur tha se nëse Sali Berisha merr drejtimin e PD, SHBA ndërpret çdo marrëdhënie me PD.
Ndaj çdo manovër e Berishës për të marrë nën kontroll grupin parlamentar e vendosur kryetarin e tij të grupit, nuk do të kishte asnjë vlerë. Berisha, apo PD e kontrolluar prej tij, do marrin gjithmonë nje refuzim formal politik. Maxhoranca ka votat, për të zgjedhur presidentin raundin e tretë. Sigurisht frika e Berishës lidhet me dy raundet e para. Pasi një grup deputetesh demokrate, me në krye Alibeajn, nuk janë ne kontrollin e tij.
Kjo shpjegoi sulmin ndaj Enkelejd Alibeajt prej disa kolegeve demokrate te foltores, kur një lajm i pasaktë mediatik interpretonte ftesën formale te kuvendit, si një takim te kryer, mes tij dhe negociatorëve socialiste. Zhurma shqetësoi jo pak kampin e Sali Berishës prek nga më të zellshmit e më të shpejtët në kryqëzimin e Alibeajt për këtë “gjynah” në mes të Ramazanit , ishin Enno Bozdo dhe Ervin Minarolli. Në muret e tyre në platformën Meta, reagimet qëndruan pak dhe u hodhën në kosh. Por mjaftuan qe Alibeaj te nxitonte e ti sqaronte koleget e tij, se mëkati, nuk kishte ndodhur.
“Ju sqaroj se nuk ka ndodhur ndonjë takim imi, as imagjinar, as ne titull personal e jo me emër te grupit, me ndokënd për çështje negociatash . Siç edhe është organizuar veprimtaria e grupit parlamentar tonit, për çdo çështje te agjendës parlamentare, apo organizative, gjithçka është e mbetet kompetence e mbledhjes se grupit parlamentar.
Në fund rezultoi një zhurme e kotë. Demokratet vazhdojnë të ruajnë njeri tjetrin. Ndërkohe që shumica vazhdon të përzgjedhë emrat e saj, nga zarfet me tre emra, qe propozon çdo deputet socialist. Nga sot, këtë te drejte do e ketë edhe Pandeli Majko, i cili mori sot mandatin e lirë, të të burgosurit Alqi Bllako. Majko, një ish kryeministër, dhe figure popullore jo vetëm majtas, sigurisht nuk mund të vëre në zarfin presidencial, emrin e tij. Por tashme as të ish shokut te tij të armeve, Ilir Metës. Socialistët mund të kenë shumicën e votave presidenciale, por kane edhe ata vijat e kuqe. Ndonjë të vendosur nga Rama, dhe ndonjë tjetër, nga amerikanët” – është shprehur Alibeaj.
Discussion about this post