Në Komisionin e Energjitikës, ministrja e Infrastrukturës dhe Energjitikës, Belinda Balluku është shprehur se Shqipëria është detyruar të dalë në import për të blerë energji elektrike, por në sasi të vogla për të mos rënduar buxhetin e shtetit. Balluku u ktheu përgjigje fotove që tregonin nivelin e ulët të ujit, duke shtuar se menaxhimi i kaskadës vlerësohet me shërbimin që i ofrohet qytetarit, faktit që ata kanë energji pa ndërprerje.
“Kemi dalë vetëm pak në import dhe nuk kemi krijuar borxhe në buxhetin e shtetit, që është rënduar për shkak të paketës së rezistencës. Nuk e di kur ka filluar të vlerësohet menaxhimi i kaskadës me nivelin e ujit, menaxhimi i kaskadës matet me shërbimin që i ofrohet konsumatorit. Ne do të jemi në tryezë për të mbrojtur çdo konsumator” – tha Balluku.
Por, drejtori i Korporatës Energjitike Shqiptare, KESH, Ergys Verdho fill pas saj, njoftoi se reshjet e 1 dhe 2 prillit mundësuan eksportin e energjisë elektrike në masën e 19.500 megavat energji. Sipas kreut të KESH, vlera në bursë e energjisë gjatë kësaj kohe ishte 197 euro,
“Reshjet e 1 dhe 2 prillit mundësuan eksportin e energjisë elektrike në masën e 19.500 megavat energji. Vlera në bursë e energjisë gjatë kësaj kohe ishte 197 euro, prurjet në kaskadë arritën në 10.050 m3 për sekondë nga këto reshje” – tha Verdho.
Discussion about this post