Davide Pecorelli është bërë i gjallë sërish dhe kësaj radhe ka postuar një foto ndërsa në sfond ka katër thasë të cilat pretendon se janë të mbushura me monedha floriri nga thesari Montecristo-s.
Në foto, Pecorelli shfaqet me të njëjtën kapele të cilën kishte vënë kur u paraqit në prokurorinë e Perugias. Fotografia e Davide Pecorellit është bërë publike mes thasëve me monedha ari. Sipas karabinierëve të policisë, deri më tani sipas vëzhgimeve të bëra shikohet se fotografia nuk është montazh, por gjithsesi ende ka dyshime për vërtetësinë e saj.
Lidhur me ngjarjen, sipërmarrësi flet pas disa muajsh, por ende nuk e zbulon se ku ndodhet thesari. Kujtojmë se, biznesmeni italian u hoq si i vdekur për muaj me radhë dhe ndërroi identiteti duke jetuar në Vlorë me emrin Cristiano.
Së fundmi, i pyetur nëse e gjeti thesarin, aso kohe Pecorelli është shprehur se ka zgjedhur të hesht dhe nga ana tjetër ai shprehet se thesarin e ka shikuar e fotografuar por për asnjë moment nuk ka menduar ta marrë pasi është pronë e shtetit.
“Kam zgjedhur të hesht për këtë dhe në fakt karabinierët janë nevrikosur. Unë mund të them që thesarin e kam parë, i kam parë dy arkat, i kam prekur dhe fotografuar. Nuk kam marrë monedha sepse janë pronë e shtetit dhe një monedhë e vetme është vepër penale ta marrësh.”
Discussion about this post