Lotët e emocionet e miqësisë mes Rrushes dhe Alesjas ishin kryefjala e puntatës së sotme në “Për’puthen” . Dy konkurrentet kanë pasur një shoqëri shumë të fortë mes njëra-tjetrës, por çdo gjë u kris kur mes tyre u përfshi edhe Astriti.
Më parë Astriti ka zhvilluar një takim me Rrushen ku ka shprehur pëlqim për të por, për sa i përket Alesjas nuk e ka shprehur hapur pëlqimin për shkak të miqësisë mes dy vajzave.
Që nga ky moment Alesja dhe Rrushja nuk kanë qenë më njësojë dhe madje së fundmi i janë kundërvënë edhe njëra-tjetrës.
Ditën e sotme Alesja ka shprehur se situatat që i kanë ndodhur së fundmi janë shumë për të dhe teksa fliste filloi të përlotej.
Bora Zemani: Çfarë të bën të ndihesh keq?
Alesja: Çdo situatë që më ka ndodhur këtu është shumë për mua.
Bora Zemani: Dukesh që je shumë e ngarkuar dhe dua të kuptoj se nga cila situata specifikisht. Çfarë po të ngarkon kaq shumë tani? Se mendon që të tjerët të shohin në të dyja anët disa mendojnë që je e mirë, disa mendojnë që je e keqe.
Alesja: Po sepse i kam parë edhe reagimet që kanë ndodhur këtu dhe çdo lloj gjëje tjetër: sulmet, shoqe e keqe, shoqe e mirë. Dhe nuk e ndjej që jam shoqe e keqe.
Në një moment tjetër Rrushja dhe Alesja fillojnë të qajnë së bashku. Kjo e fundit filloi ta pyeste konkurrenten nëse ajo është një shoqe e mirë ose jo, por Rrushja tha që Alesja nuk e ka vlerësuar mjaftueshëm shoqërinë e tyre.
Alesja: Jam një shoqe e keqe apo një shoqe e mirë. Si e mendon tani që je më e qetë?
Rrushja: Kush tha që jam më e qetë?
Alesja: Kur të qetësohesh dua një përgjigje personalisht. Ndoshta edhe pasi të mbaroj ky program dua një përgjigje nga ti.
Rrushja: Alesja thjesht unë të kam besuar shumë edhe të kam vlerësuar shumë por ti nuk ma ke kthyer të njëjtën gjë, prandaj kemi arritur edhe në këtë situatë. Thjesht jam e lodhur psikologjikisht dhe nuk besoj më asgjë.
Në këtë pikë, Alesja nuk ndjehet mirë dhe është gati në të vjellë ndaj vendos të dal nga studioja.
Discussion about this post