Mimi Kodheli duket se do të jetë kandidatja kryesore për postin e presidentit të Shqipërisë, këtë emër kanë lënë të nënluptojnë Klotilda Bushka e PS dhe analisti Plator Nesturi, teksa po flisnin për zhvillimet më të fundit në emisionin Breaking në Top News që moderohet nga gazetarja e mirënjohur Elisa Gjerani.
Teksa po diskutonin për presidentin e ardhshëm, Gjerani ua ka nxjerrë me zor emrin e zonjës Kodheli teksa asnjë nga të pranishmit nuk e mohuan dhe madje Nesturi u shpreh se me shumë gjasa kandidatja do të jetë një femër.
Gjerani: A mund të jetë zonja Kodheli? Po, Jo?
Nesturi: Nuk e di a do të jetë zonja Kodheli, por gjasat janë që do të jetë një zonjë.
Bushka: Nuk di t’jua them, por zonja Kodheli ka për mua kontribute të vyera është një person me kualitete të larta dhe për mua të gjitha koleget në PS edhe kolegët mendoj që…
Gjerani: Zoti Nesturi thotë në nëntekstin tuaj ka një lloj pranimi
Bushka: Une po ju them që kualitetet e kandidatëve janë këto që padiskutim që zonjat dhe zotërinjtë që ju përmendni janë të vlerësuar, por unë nuk di të jua them këtë sepse procesi sapo ka filluar.
Discussion about this post