Pyetjes për legalizimin e kanabisit mjekësor, 61 % e qytetarëve i janë përgjigjur pro, duke i hapur rrugë mbjellës së kanabisit në vend, të paktën kështu raportonin rezultatet nga Këshillimi Kombëtar.
Drejtoresha e agjencisë për Dialog dhe Bashkëqeverisje, Eridana Cano, teksa prezantoi rezultatet tha se 61% e shqiptarëve janë shprehur pro legalizimit të kanabisit për qëllime mjekësore, 29 % kanë votuar kundër dhe 10% nuk e di.
Vetë Rama tha se qeveria do të bëjë “gjithçka” që kanë kërkuar qytetarët, përfshirë edhe legalizimin e kanabisit për qëllime mjekësore, por mbetet në pikëpyetje implementimi dhe nëse do të ketë një rritje të kriminalitetit si rrjedhojë.
“Ne do të bëjmë ashtu si shprehen qytetarëve, do të legalizojmë absolutisht kultivimin e kanabisit për qëllime mjekësore, nuk ka fare dilema për këtë”, tha Rama.
Discussion about this post