Një avokat është kërcënuar dhe më pas dhunuar fizikisht në zyrën e tij në qytetin e Fierit. Sipas njoftimit të policisë, dyshohet se konflikti ka ndodhur për motive të dobëta, ndërsa është shpallur në kërkim E. Xh., 46 vjeç.
“Specialistët për Hetimin e Krimeve në Komisariatin e Policisë Fier shpallën në kërkim shtetasin E. Xh., 46 vjeç, banues në Fier, pasi dyshohet se për motive të dobëta, ka kanosur dhe goditur në zyrën e tij, shtetasin A. O., 38 vjeç, (avokat). Po punohet për kapjen e shtetasit E. Xh.”, njofton policia.
Gjithashtu, në pranga ka rënë dhe një 44-vjeçar, banues në Elbasan, pasi ka ushtruar dhunë fizike ndaj bashkëshortes së tij. Materialet i kaluan Prokurorisë, për veprime të mëtejshme procedurale.
Discussion about this post