Gjatë intervistës në emisionin “Opinion”, gazetari Blendi Fevziu e ka pyetur kryeministrin Edi Rama se si ndihet kur ministret dhe ministrat e tij e krehasojnë me pseudonime, “Skënderbeu” apo “Zeus”, ose “Brend” siç e kishte cilësuar ministrja për Standardet dhe Shërbimet, Milva Ekonomi. Rama nuk ia ka kursyer lëvdatat vetes, ku tha se është brend në eksportin e një Shqipërie dinjitoze, e një Shqipërie ku kryeministri i të cilës i sheh të gjithë në sy, e shohin të gjithë në sy dhe se asnjë nuk guxon që ta trajtojnë si vasal.
Pjesë nga intervista:
Edi Rama: Sa për “brendin”, ti Fevzi mos u bëj xheloz, jam brend, patjetër, po!
Blendi Fevziu: Në import apo në eksport?
Edi Rama: Në eksportin e një Shqipërie dinjitoze, e një Shqipërie kryeministri i të cilës i sheh të gjithë në sy, e shohin të gjithë në sy, i respekton të gjithë, po e respektojnë të gjithë, po nuk guxon njeri ta trajtojë si vasal, po jam, patjetër! Jam, nuk diskutohet që jam. Sepse e kam thënë që ditën e parë dhe i qëndroj kësaj: le të jetë kush të dojë përballë meje, unë jam kryeministri i një vendi të vogël, jo se jam i gjatë, por sepse secili e ka të drejtën e dinjitetit të vet, nuk e pranoj kurrë që Shqipëria të mos respektohet dhe unë mos t’i imponoj respekt të tjerëve në këtë marrëdhënie. Dhe kjo është arsyeja pse të gjithë ata rretherrotull i kam miq.
Discussion about this post