Kongresi i Partisë Socialiste ka nisur punimet në pesë sheshe të ndryshme, ku njërin nga panelet po e drejton kreu i grupit parlamentar të PS, Taulant Balla.
Në panelin për bujqësinë, Balla kërkoi nga të pranishmit që sot të jenë kritikë pasi diskutimi me qytetarët do të jetë i hapur, ndonëse nuk është habi nëse kritikat mund të ndërpritet dhe paneli që dëgjohet të jetë njëri nga katër panelet e tjera.
“Është një bashkëbisedim gju më gju. Jemi të gatshëm të dëgjojmë çdo lloj kritike. Ky shesh të jetë sheshi i debatit më të madh në Shqipëri. Do ju lutesha që mos kini sot asnjë lloj frenimi. Diskutimi duhet të jetë shumë i hapur. Natyrshëm që një pjesë do të sjellin shqetësime. Por sot dua të them dy fjalë që i konsideroj të rëndësishme. Dua të kujtoj ku e nisëm në 2013 marrëdhënien e shtetit me bujqësinë. Kemi filluar këtë panel të bujqësisë, atje matanë është paneli i energjisë dhe mes nesh është edhe një panel i të rinjve. Përballë kemi një panel shumë të rëndësishëm për paketën e rezistencën sociale. Kemi edhe një panel tjetër që është një panel me miq të ftuar nga të gjitha trojet shqiptare. Ky kongres ka çelur hapësirën e një komunikim të ri”, tha Balla.
Kongresi i Partisë Socialiste ka nisur punimet në pesë panele të ndryshme, ku secili prej tyre drejtohet nga ministrat përkatës dhe përfaqësues të lartë të PS duke krijuar një kakofoni në komunikim.
Discussion about this post