Në fjalën e tij në Kongresin e Partisë Socialiste, kryeministri Edi Rama gjithashtu ka folur edhe për reformat që ka ndërmarrë qeveria e tij në sektorin e shëndetësisë. Duke krahasuar shëndetësinë e tij me atë të para 9 viteve, Rama nuk ka kursyer edhe ironinë me kundërshtarët. Ai tha se rëndësia e shëndetësisë për qeverinë para tij, ishte aq e madhe sa simbol kishte Nard Ndokën.
“Njerëzit vareshin tek kangjellat e Nënë Terezës, shkonin me çarçafë dhe batanije në krah. Simboli i këtij ndryshimi ka dy fjalë; Nard Ndoka, ministër i Shëndetësisë. Merreni me mend vetë takimin në zyrën e ministrit mes Ndokës dhe COVID. Të vjen dhe pak zor të krahasohesh me ta. Jam krenar sot për historinë që kjo parti, PS, si forcë qeverisëse ka shkruar përgjithmonë dhe jam krenar për shtëpitë falas të tërmetit. Falas për të gjitha familjet e prekura pa asnjë përjashtim. Vende më të pasura se ne nuk e kanë bërë. E bëjmë jo se jemi më të pasur, por sepse jemi më të varfër dhe nuk kërkojmë dot kredi të bukura. Pa harruar ndihmën e presidentit të Turqisë dhe princit të kurorës së Arabisë, gjithçka tjetër është pjesë e buxhetit” – tha Rama.
Discussion about this post