Asnjë risi nga fjalimi që kryeministri Edi Rama po mban në Kongresin e Partisë Socialiste, ku si çdo herë tjetër nuk kanë munguar lavdet për veten dhe sipas tij, për punën e “jashtëzakonshme” që PS ka bërë këto vite.
Gjatë fjalës së tij, ndërsa komentonte tërmetin dhe pandeminë, Rama tha se nëse PS nuk do të kishte qenë në pushtet gjatë këtyre periudhave, në vendin tonë do të ishte bërë ‘qameti’.
“Kur kujtoj se më parë nuk kompesoheshin me vite as 400 milionë lekë dëme për një përmbytje në Shkodër, apo 45 milionë dollarë që iu takonin invalidëve, që u fshinë fare, u harruan të paguheshin bonuset 5 mijë lekëshe të bebeve të porsalindura. Është dallimi më i thellë si ditës më me dritë me natën më të errët. Mbyllni sytë dhe përfytyroni si do të kishin mbetur të braktisur rrugëve, ata që humbën shtëpitë nga tërmeti, e merrni me mend se çfarë forme do të kishin shkollat dhe shtëpitë, nëse ajo fatkeqësi do ti kishte gjetur njerëzit atëherë, kur edhe kreditë i merrnin zyrtarët e partisë në pushtet. E kuptoni se çfarë qameti do të kishte qenë nëse pandemia do të kishte ardhur në spitalet e deri para ca viteve”, tha Rama.
Më herët, Rama paralajmëroi rritjen e çmimit të energjisë elektrike për 5% të popullsisë, që sipas kryeministrit shpenzojnë më shumë energji elektrike, duke dalë kundër deklaratave që ka bërë më herët se çmimi i energjisë nuk do të rritet.
Discussion about this post