Pas përfundimit të Kongresit të PS, kryeministri Edi Rama ka mbajtur një konferencë përmbyllëse duke bërë një deklaratë të fortë. Ai u shpreh se është i gatshëm të shkojë në SPAK dhe të tregojë kokën e korrupsionit.
“Asnjë kursim për të goditur këdo qoftë në këtë anë që ha besimin e njerëzve, besimin e kësaj familje dhe timin. Ne ndërkohë kuçedra e korrupsionit duhet goditur në kokë, as në qafë, e as në bisht, por në kokë. Nëse kanë nevojë ta dinë se ku është koka unë jam i gatshëm të shkoj që nesër t’ia tregoj atje prokurorëve të SPAK-ut. Mos bëjmë referendum që ta marrin vesh me referendum. Jemi në kushtet kur drejtësia e drejtë tani ka filluar të shfaqet në jetën e shqiptarëve. Pas 500 vjetësh dhe nuk e ekzagjeroj fare”, tha Rama.
Kryeministri shtoi se nuk ka kompromis me drejtësinë.
Discussion about this post