Bebe Rexha, artistja shqiptare me famë botërore, gjatë viteve të fundit është shquar në skenë si një nga zërat më të famshëm të zhanrit pop në muzikën ndërkombëtare.
Puna e palodhur dhe bashkëpunimet me emrat e famshëm e kanë shoqëruar këngëtaren me prejardhje nga Maqedionia e Veriut, drejtë famës dhe suksesit.
Mbrëmjen e sotme, Bebe Rexha është e ftuara speciale në rolin e një prej të përzgjedhurve në juri në spektaklin më të ndjekur të talenteve në Shtetet e Bashkuara të Amerikës, “American Idol”.
Tanimë është pjesë e dy prej episodeve speciale që janë xhiruar në Hawaii me 24 konkurrentët më të spikatur të këtij edicioni, ku vetëm një pjesë prej tyre do të kualifikohen për në fazën e ardhshme.
Kujtojmë se, disa vite më parë këngëtarja e hitit “I’m a mess” kishte dështuar dhe ishte skualifikuar në audicionet e “American Idol”.
Këtë lajm e ka treguar vet Rexha në një nga pjesëmarrjet e këtij spektakli, ku i kishte thënë një konkurrenteje: “Shumë vite më parë unë provova audicionet e ‘American Idol’ por nuk ia dola, kështu që për të gjithë ju që po më shihni nga ekrani tani, ju asnjëherë nuk mund ta dini se çfarë e ardhmja mund të sjellë”.
Së fundmi, edhe pse nuk ishte pranuar në “American Idol”, Bebe Rexha kishte vazhduar të punonte fortë në karrierën e saj solo dhe të kompozonte këngë për të tjerët. Sot, 32-vjeçarja është një prej emrave më të spikatur në tregun botëror.
Discussion about this post