Kryeministri Edi Rama, ndodhet për një vizitë zyrtare në Gjermani, ku po mban një konferencë të përbashkët për shtyp me kancelarin gjerman Olaf Scholz. Gjatë fjalës së tij kancelari gjerman tha se sulmi në rusi tregoi se për demokracinë duhet të punohet çdo ditë dhe se negociatat për integrimin e Shqipërisë duhet të nisin menjëherë. Ai garantoi se Gjermania e mbështet integrimin e Shqipërisë në BE dhe do të kontribuojë për përshpejtimin e procesit.
“Agresioni i Rusisë ndaj Ukrainës na bën të qartë se ne duhet të angazhohemi për fillimin sa më shpejt të jetë e mundur të fillimit të negociatave me Shqipërinë dhe Maqedoninë e Veriut. Kjo është e një rëndësie të veçantë për ne për shkak të pozicionit të rajonit të Ballkanit Perëndimor, ne do japim kontriobutin tonë që ky proces të ecë para. Shqipëria ka mbështetur politikat e BE në mënyrë të plotë dhe në masën 100%. Ne i kërkojmë së bashku presidentit Putin që të vendosë armëpushimin. Marrëdhëniet tona me Shqipërinë janë të shkëlqyer, që prej më shumë se 30 vitesh”.
Ndër të tjera, ai tha se nesër në Tiranë do të firmohet marrëveshja për njohjen reciproke të patentave mes dy vendeve.
Discussion about this post