Në konferencë që po mbahet tashmë në Gjermani, kryeministri Edi Rama është munduar të hap edhe temën e Ballkanit të Hapur, por kancelari gjerman Olaf Scholz e ka “injoruar” këtë kërkesë të Ramës dhe ka vazhduar të flas vetëm për procesin e Berlinit. Scholz tha se dëshiron të rigjallërojë procesin e Berlinit dhe se fokusi do të jetë te zhvillimi i tregut të përbashkët.
“Shqipëria ka bërë hapa të mëdha. Ka krijuar struktura kundër korrupsionit. Vendet e Ballkanit përfitojnë nga bashkëpunimi rajonal dhe përshpejton afrimin me BE. Dua të rigjallëroi procesin e Berlinit, me rendësi është tregu i përbashkët rajonal dhe zbatimi i 4 lirive bazë”, tha ai.
Procesi i Berlinit është një nismë diplomatike e lidhur me zgjerimin e Bashkimit Evropian. Është një iniciativë bashkëpunimi ndërqeveritar që synon rigjallërimin e lidhjeve shumëpalëshe midis Ballkanit Perëndimor dhe shteteve anëtare të BE-së, për të përmirësuar bashkëpunimin rajonal për çështjet e infrastrukturës dhe zhvillimit ekonomik. Është një nga nismat kryesore diplomatike në Evropën Juglindore të kabinetit të tretë të Merkelit.
Discussion about this post