I pa shqetësuar dhe i papërgatitur për fundin që do i vinte, Nazmi Banudlla ishte duke pirë kafen e mëngjesit në një lokal në momentin që u qëllua me breshëri, dhe 3 plumba i morën jetën në vend.
Kafeneja ndodhet afër shtëpisë së tij në lagjen “Partizani” në Shkodër. 55-vjeçari Nazmi Bandulla, është një emër i njohur për policinë dhe drejtësinë, ndaj shtohen dyshimet se kemi të bëjmë me një vrasje të porositur.
Nuk dihen ende sa autorë kanë qenë. Nga hetimet e deritanishme, gijotina.com mëson se autorët kanë hapur zjarr nga një makinë në lëvizje.
Ngjarja ndodhi rreth orës 08:15. Shërbimet e Policisë kanë rrethuar zonën dhe vijon krehja e saj, me qëllim kapjen e autorit.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes.
Discussion about this post