Ish-kryeministri Sali Berisha ka reaguar lidhur me qëndrimin e kancelarit gjerman Olaf Scholz, i cili gjatë konferencës me kryeministrin Edi Rama në Berlin injoroi nismën e “Open Balkan”, duke mbajtur në fokus “Procesin e Berlinit”.
Berisha shkruan se ky qëndrim është në interes të shqiptarëve, ndërsa shtoi Scholz shprehu mbështetje për hapjen e negociatave me Shqipërinë.
“Një qëndrim në interes të shqiptarëve, paqes, stabilitetit dhe integrimit të rajonit! Të dashur miq, dje në një konferencë shtypi me Edi Ramën, Kancelari i Gjermanisë Olaf Scholz shprehu:
1-mbështetjen e vendit të tij për hapjen e negociatave me Shqipërinë dhe integrimin e saj në BE.
2- Mbështetjen e procesit të Berlinit dhe tregut të përbashkët rajonal në kuadër të këtij procesi.
3- Refuzimin e prerë të Ballkanit të Hapur, Aleancës trilaterale Beograd- Tiranë -Shkup të Aleksandër Vuçiç si projekt i hegjemonisë serbe në rajon, shkruan Berisha.
Discussion about this post