Këngëtarja e njohur, Ronela Hajati do të na përfaqësojë në Eurovision 2022 me këngën e titulluar “Sekret”. Kënga është pritur shumë mirë nga publiku i huaj dhe ai shqiptar. Kjo gjë është reflektuar dhe nga reagimet pozitive që këngëtarja ka marrë në eventet që janë organizuar përpara festivalit evropian në shtete të ndryshme.
Nga ana tjetër, Ronela ka premtuar një performancë që do të mbahet mend gjatë në kujtesën e shikuesve.
Së fundmi, këngëtarja ka thyer një rekord. Për herë të parë në historinë e Shqipërisë, “Sekret” renditet në top 10 këngët më të dëgjuara për 3 muaj me radhë.
Organizatorët e festivalit kanë publikuar një video me këngët më të dëgjuara, ku Ronela renditet në vendin e pestë.
Kujtojmë se, Ronela Hajati do të hapë Eurovisionin. Ajo do të performojë e para në listë në gjysmë finalen e parë të festivalit evropian që do të mbahet në Torino.
Discussion about this post