Personi në foto është Henrik Hoxhaj i cili është akuzuar nga Gjykata si bashkëpunëtori i Nuredin Dumanit. Hoxhaj e ka larguar Dumanin nga vendi i ngjarjes, ditën që makina e tyre u qëllua me armë në fshatin Papër teksa ishin nisur për të kryer një atentat sipas prokurorisë.
Hoxhaj u arrestua bashkë me Dumanin më 29 mars 2022 në qytetin e Fierit. Ai është një nga ‘ushtarët’ më të besuar të Dumanit, me të cilin ka mbajtur kontakte si në Kosovë e Shqipëri. Hoxhaj është lënë në burg bashkë me Dumanin.
Kujtojmë që në Prokurorinë e Elbasanit, ditën e djeshme kanë mbërritur një grup hetuesish belgë ku janë takuar me kreun e kësaj prokurorie, Kreshnik Ajazi. Mësohet se në fokus të diskutimeve ka qenë atentati ndaj Nuredin Dumanit dhe arrestimi i tij në Fier disa orë më vonë. Për të hedhur dritë mbi disa ngjarje të rënda kriminale ku ai rezulton i përfshirë, belgët kanë kërkuar përgjigje për disa pyetje që lidhen me të shkuarën e Nuredin Dumanit.
Discussion about this post