SPAK i ka ofruar Nuredin Dumanit kërkesën për bashkëpunim dhe statusin e të penduarit. Mësohet se edhe prokuroria e Elbasanit ka ofruar opsionin e bashkëpunimit për të arrestuarin tjetër, Henrik Hoxhaj, i cili besohet se ka të dhëna të shumta mbi veprimtarinë kriminale, pasi ishte një nga njerëzit më të besuar të Nuredin Dumanit.
Gazetari Elton Qyno shkruan për OraNews se ende nuk është konfirmuar nëse Dumani ka vendosur të bashkëpunojë. Dumani kishte disa kohë që qëndronte në Kosovë duke u fshehur në qytetin e Gjilanit me emrin Arvit Spahiu.
Kujtojmë që Hoxhaj ka larguar Dumanin nga vendi i ngjarjes, ditën që makina e tyre u qëllua me armë në fshatin Papër teksa ishin nisur për të kryer një atentat sipas prokurorisë. Hoxhaj u arrestua bashkë me Dumanin më 29 mars 2022 në qytetin e Fierit dhe është lënë në burg bashkë me Dumanin.
Discussion about this post