Zbardhen detaje të reja nga shpërthimi me tritol që iu vendos makinës me të cilën udhëtonte Mikel Harizaj dhe Seri Dumo në janar të këtij viti.
Burime nga grupi hetimor bëjnë me dije se, shpërthimi me lëndën eksplozive që ndodhi në zonën e Selitës në kryeqytet ka qenë vetëm një paralajmërim.
Hetuesit pasi kanë venë në përgjim telefonin e të plagosurve, kanë zbuluar një SMS të dërguar në drejtim të 42-vjeccarit ku thuhet se ishte vetëm një paralajmërim. Në atë kohë ai ka deklaruar se nuk kishte asnjë konflikt dhe nuk dyshonte tek ndonjë person.
Hetimet për zbardhjen e ngjarjes janë ende në vijim ku grupi hetimor pas ardhjes së këtij mesazhi kanë nisur edhe verifikimet për identifikimin e ppersonit që ka dërguar këtë sms 42-vjeçarit.
Ngjarja e rëndë ndodhi më 7 janar të viit 2022. I plagosur në atentat mbeti dhe kamarieri i Harizaj, Seri Dumo.
Dumi ishte kamarier në lokalin e Harizajt, dhe ky i fundit ishte duke e shoqëruar për në banesë në momentin e shpërthimit të lëndës plasëse që do ti merrte jetën.
Discussion about this post