Para disa kohësh, kur Donaldi ndodhej në shtëpinë e “Big Brother Vip” dhe gjatë takimit me moderatoren, Bora Zemani shkëmbyen puthje në buzë, komenti që u bëri këngëtarja Beatrix Ramosaj, për ditë të tëra rresht u kthye në kryefjalën e medias rozë.
Ky koment duket se vazhdon ende të përflitet dhe kësaj here është risjellë në vëmendje nga ish-konkurrentja e Për’Puthen, Mikela Pupa. Ajo ka rispostuar një story në llogarinë e saj në Instagram ku shkruhet:“Puthje, puthje, @mikelapupa @erionkukaj. Se më dëgjuan komshinjtë!”
Ndësa ish-konkurrentja, e cila doli çift nga programi me Erion Kukajn, ka thumbuar Beatrix Ramosajn në përgjigjen e saj: “Aman se është ters kur përmenden komshinjtë”- shkruan Mikela.
Kujtojmë që më herët Beatrix Ramosaj ka treguar se i merr me sportivitet gafat që ka bërë në “Big Brother VIP” dhe madje nuk ka ngurruar t’i risjellë. Ajo ka postuar pak ditë më parë një status në Twitter ku shkruan “Komshinjtë e kujt do çmenden këtë javë”.
Kaq ka mjaftuar që ndjekësit të shpërthejnë në komente, disa suportues, e të tjerë kritikë.
Discussion about this post