Pasi deputetja demokrate, Flutura Açka bëri publike platformën e saj për bashkimin e Partisë Demokratike duke kërkuar tërheqjen e ish-kryeministrit Sali Berisha, ka pasur një sërë komentesh në profilin e saj në Facebook.
Mes këtyre komenteve në propozimet e hapura të Açkës, ishte dhe ai ish-deputetes Mimoza Hajdarmataj, e cila është anëtare e Komisionit të Rithemelimit dhe mbështetëse e Berishës.
“Hileqarët e shtynë luftëtarin e vjetër, por humnera që ata kishin hapur për PD, e nxori përsëri jashtë dhe tani është koha që ata që ia kanë me hile kësaj partie dhe demokratëve të hidhen vetë brenda dhe kjo humnerë të mbyllet një e herë e mirë.”
Kaq mjaftoi që Açka t’i kërkonte ish-deputetes që të mos komentonte në profilin e saj.
“Mozë zemër nuk ke arsye të hysh këtu. Të lutem”, shkruan Açka. Ndërkohë, Hajdarmataj ia kthen se reagimi i saj ishte miqësor. “Flutura Açka miqësisht meqë shpesh kemi ndarë bashkë qëndrime, por nëse nuk lejohet po tërhiqem ”, thuhet në reagimin e saj.
Në propozimin e saj, Açka përgatiti disa propozime të asaj çka e cilëson si “Platforma Curzio”, ndërsa thekson se bashkimi i PD-së nis nga sakrifica e Berishës për tu tërhequr.
Discussion about this post