Këngëtarja e njohur shqiptare, Dafina Zeqiri sot feston ditëlindjen e 33-të të saj. Mes artistëve që e kanë uruar përzemërsisht, nuk ka munguar as edhe ajo e Beatrix.
Artistja ka bërë një urim special, për këngëtaren e cila e ka mbështetur publikisht Ramosajn në një kohë kur kjo e fundit ishte përballë komenteve jo të këndshme nga ndjekësit pas ndarjes nga Donaldi.
Beatrix Ramosaj dhe Dafina Zeqirin gëzojnë një raport shumë të mirë me njëra-tjetrën. Trixa ka publikuar një fotografi të sajën, të cilën e ka shoqëruar me fjalë vlerësuese.
“Gëzuar ditëlindjen kësaj gruaje fenomenale. Ambicioze, shumë punëtore, të suksesshme, të lirë dhe të fortë që nisi nga zero për t’u kthyer në inspirim dhe roli model që je sot. Të dua”, ka shkruar Beatrix. Kujtojmë që së fundmi Trixa solli këngën “Ma shumë se ti” me të dashurin e Dafinës, Dj Geek.
Discussion about this post