Gemti Hyka, Vullnet Haka dhe Ibrahim Bezati janë dënuar sot nga një gjykatë në Britani, për shkak se rrëmbyen dhe përdhunuan në grup një 23-vjeçare. Mediat e huaja bëjnë me dije se ngjarja ka ndodhur në ditët e para të festave të mëdha pas heqjes së masave anti-Covid. 23-vjeçarja kishte dalë për një darkë me një mikeshë dhe më pas shkoi në klubin e natës Vogue në Bedford High Street. Ato u përpoqën të largoheshin nga klubi në orët e para të 4 shtatorit të vitit të kaluar, por u ndanë për të shmangur një grup burrash që ziheshin në rrugë.
Ndërsa viktima po shkonte vetëm në shtëpi, ajo u kap nga Gemti Hyka, i cili e futi në garazhin e makinës dhe më pas e çoi në një shtëpi, ku dyshohet se e përdhunoi. Dy miqtë e tij, Vullnet Haka dhe Ibrahim Bezati, mbërritën më vonë në banesë, ku përdhunuan dhe e detyruan 23- vjeçaren të merrte kokainë.
Pas këtyre dëshmive tronditëse Hyka u shpall fajtor për rrëmbim, dy akuza për përdhunim. Ndërsa dy shqiptarë të tjerë Vullnet Haka dhe Ibrahim Bezati, gjithashtu u shpallën fajtorë nga Gjykata e Luton për përdhunim dhe pritet të marrin një dënim të rëndë.
Gemti Hyka, nga Cambridge Road, Bedford, i tha jurisë se viktima pranoi të bënte seks me vullnet të plotë. “Ajo kurrë nuk qau kur ishte me mua. Nuk e kam bërë kurrë. Unë nuk jam përdhunues”. Por gjykata ka vërtetuar që ata kanë përdhunuar në grup të miturën dhe kanë dënuar me burg 3 shqiptarët
Discussion about this post