Deputeti i PD-së, Oerd Bylykbashi, ka folur sot në lidhje me legalizimin e kanabisit, si një plan shumë i afërt i qeverisë shqiptare. Gjatë një interviste televizive ai e quajti “Këshillimin Kombëtar” një instrument propagande të një qeverie që kërkon të justifikojë vendimet e saj duke sajuar konsensusin publik.
“Ishte një instrument propagandistik për të justifikuar veprime që më pas i përgjigjen votës. Ka kërkuar dhe ka fabrikuar një përgjigje për të justifikuar vendimet e tij për të thënë Unë pyeta publikun. Për të ardhur tek këto çështjet sensitive, kanabizimi i vendit apo fuqizimi i grupeve kriminale vishet më një pudër dhe përpiqet të inkriminojë opinionin publik për të thënë se në fund të fundit po e kërkoni ju”, tha ai.
Sipas Bylykbashit, Parlamenti tashmë vetëm vendos vulat dhe është një numër impresionant i akteve normative që po miratohen duke i shtuar më pas dhe këtë model qeverisjeje të Ramës. Sipas tij, me këtë hap Rama kërkon të fsheh faktin që tashmë vendi është kanabizuar me në krye qeverinë. “I japim një veshje publike sepse Shqiptarët këta janë, është instrument që justifikon veprime të kësaj qeverie. Aktet normative të qeverisë po kalojnë njëra pas tjetrës, numër impresionant dhe ku Parlamenti vetëm vendos vulën, dhe krijohen këto instrumenta shtesë si vello e jashtme, këto ligjet që po dalin për persona”, tha ai
Discussion about this post