Ish-administratori i Postribës Altin Shabaj ka reaguar pas shkarkimit nga kryebashkiaku i ri Bardh Spahia. Sipas tij, Spahia po e përçan PD-në, ndërsa paralajmëron se do të ndjekë rrugë ligjore për këtë çështje. Shkarkimin e tij Shabaj e cilëson si celulat komuniste, pasi sipas tij vendimi është marrë në mesnatë në zyrat e bashkisë.
“Kjo nuk i shërben bashkimit, por përçarjes së PD. Bardh Spahia është njeriu qe në vazhdimësi ka përçarë PD dhe unë e kam thënë edhe më herët. Sa i përket shkarkimit, ajo është bere në mesnatë në zyrat e bashkisë, ngjashëm si dikur celulat komuniste. Unë do të ndjek hapat ligjor mbi këtë vendim. Kam qenë dhe do të vazhdoj të kontribuoj për PD. Edhe më 6 mars mbështeta PD dhe kandidatin Bushati, prandaj edhe është marre ky vendim. Koha do ta tregojë se kush ka patur të drejtë. Më vjen keq qe ishim unë dhe Darragjati të paret që po largohemi edhe pse jemi dy njësitë përherë fituese të PD. Do te shihemi ne zgjedhjet e tjera”, tha ai.
Discussion about this post