Një 30-vjeçar ka rënë në prangat e policisë pasi dyshohet se ka kërcënuar dhe goditur një të ri në Korçë. Sipas njoftimit, pas një konflikti për motive të dobëta, i riu në fjalë dyshohet se ka kanosur dhe ka goditur në kokë, me qytën e armës së zjarrit tip pistoletë, B. H., 29 vjeç, banues në fshatin Dvoran, Korçë.
Gjatë kontrollit të ushtruar në çantën personale të A. M., iu gjetën dhe sekuestruan në cilësinë e provës materiale 5 copë fishekë pistolete, të cilët iu sekuestruan në cilësinë e provës materiale.
30-vjeçari akuzohet për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit” të shtetasit A. M., 30 vjeç, banues në Korçë.
Discussion about this post