“Do shihni çudira”, deputeti i PD-së: Një aferë tjetër e madhe do bëhet publike

Në një intervistë për mediat, deputeti i Partisë Demokratike, Lefter Gështenja ka deklaruar se shumë shpejt pritet të dalë në dritë një tjetër aferë e madhe korruptive. Deputeti demokrat tha se pas disa ditësh do të bëhet publik skandali i AKSHI-t, i cili është institucion nën varësinë e qeverisë, i cili ka gllabëruar miliona lekë përmes fondeve.

“Sot nuk duhet të ishim për problemet e brendshme për PD sot duhet të ishim në këtë tavolinë për të vazhduar denoncimin për inceneratorët. Më duhet të them dhe diçka tjetër  Një aferë tjetër ka radhën ditët në vijim, do të bëhet publike, një institucion që është në varësi të kryeministrit AKSHI, është një gropë e dytë e zezë që vjedh fondet, në shumë të mëdha për prokurime publike për punë të pamatshme. Do shini çudira, do shihni se do dalin gjëra që dhe në vetë nuk do t’i besojmë” – tha Gështenja.