Një ngjarje e rëndë u regjistrua në restorantin Casa Rusti në Pescara, Itali. Një klient i quajtur Federico Pecorale, 29 vjeç, u arrestua pasi qëlloi me armë ndaj 23-vjeçarin, Yelfri Guzman. Ndërkaq janë publikuar pamjet ku shihen momentet e tmerrit kur “një klient i uritur” nxori pistoletën dhe qëlloi katër herë me të punonjësin e sufllaqes sepse e la të priste gjatë ose se nuk ishte i kënaqur me porosinë e tij.
Pamjet shokuese nga vendngjarja janë publikuar tashmë për gjyqin e të akuzuarit, i cili shihet që qëllon disa herë ndaj të riut që fshihet i tmerruar në një anë të dyqanit. Pecorale, nga Montesilvano, raportohet se humbi durimin pasi po priste për porosinë e tij jashtë lokalit.
Ai besohet se hyri brenda dhe nisi të konfrontohej me punonjësin për një problem me porosinë e tij. Por pak pas nisjes së debatit, ai nxorri armën dhe nisi të qëllonte guzhinierin e ri me origjinë nga Republika Domenikane.
Punonjësi raportohet nga mediat se është baba i një fëmije dy vjeçar dhe po rekuperohet në spital pas operacionit në plagë. Policia kishte arrestuar më pas të dyshuarin teksa largohej në autostradën A14 drejt Pesaro, Urbino. Oficerët kishin gjetur dhe pistoletën automatike që besohet se është përdorur në incident. E përditshmja vendase La Reppublica shkruan se Pecorale merre një pension paaftësie pasi një aksident automobilistik e ka lënë me dëmtime në kokë kur ishte 19 vjeç.
Avokati i tij Florenzo Coletti thë për rrjetin Il Centro se klienti i tij mban armë me vete pasi ‘e tallin’ shpesh për paaftësinë e tij. Viktima 23-vjeçare thotë se ka mbetur i tmerruar nga sulmi: “Unë mendova, tani do të vdes, nisa t’i lutesha Zotit. Nuk e di çfarë shpërtheu tërbimin e tij, kishte ardhur disa herë të tjera për të ngrënë te ne”.
Discussion about this post