Kryeministri i Spanjës Pedro Sánchez do të udhëtojë në Kiev në ditët e ardhshme për t’u takuar me presidentin ukrainas Volodymyr Zelensky, tha një zyrtar i lartë i qeverisë spanjolle.
Sipas CNN zyrtari tha se nuk mund të jepte më shumë informacion “për arsye sigurie”. Spanja njoftoi të hënën se do të rihapte ambasadën e saj në Kiev në ditët në vijim.
“Rihapja do të jetë një shenjë e re e përkushtimit të qeverisë dhe shoqërisë spanjolle ndaj popullit ukrainas“, tha Sanchez.
Ambasada u mbyll me personel të evakuuar në Varshavë, në Poloninë fqinje, menjëherë pas pushtimit rus të Ukrainës në fund të shkurtit, por shumë shpejt u mor vendimi për tu rihapur sërish, ndonëse situata mbetet e tensionuar.
Discussion about this post