Ministri i Punëve të Brendshme, Xhelal Sveçla, ditën e sotme ka bërë të ditur lajmin se është shkatërruar një laborator, në të cilin kultivoheshin substanca narkotike në Komunën e Zveçanit. Përmes një njoftimi në rrjete sociale ka bërë me dije se janë arrestuar tre shtetas serb të Serbisë dhe një shtetas serb i Kosovës. Gjithashtu ai ka thënë se Policia e Kosovës ka sekuestruar rreth 2000 fije kanabis.
“Sapo është shkatërruar laboratori i radhës i kultivimit të substancave narkotike në Komunën e Zveçanit. Deri tash, nga Policia e Kosovës në vendin e ngjarjes janë sekuestruar mbi 2.000 fije kanabis, janë arrestuar 3 shtetas serb të Serbisë dhe 1 shtetas serb i Kosovës.”
Së fundmi, Sveçla e ka mbyllur njoftimin e tij duke thënë se janë të gatshëm të vazhdojnë të luftojnë çdo grup apo individ që përmes veprimeve të pakontrolluara ilegale shkatërrojnë jetën e qytetarëve.
“Vazhdojmë me intensitet të shtuar dhe pa kompromis të luftojmë secilin individ apo grup, pa dallim dhe kudo në Kosovë, që përmes veprimtarive ilegale cenojnë jetën e qytetarëve tanë.”
Discussion about this post