Tre pikë të arta për Mallorca, shënon edhe Vedat Muriqi (VIDEO)

Vedat Muriqi ka shënuar një tjetër gola në LaLiga me fanellën e Mallorca, që mori tre pikë shumë të vlefshme për mbijetesën sot.

Sulmuesi nga Prizreni ka ndëshkuar skuadrën e Alaves, që renditet në vendin e fundit në klasifikim, dhe ekipi i tij triumfoi me rezultatin e ngushtë 2-1.

Në fundin e pjesës së parë, futbollisti i huazuar nga Lazio realizoi golin që i çoi shifrat në 2-0, me një goditje brenda zone. Këtë herë nuk shënoi me kokë.

Për Muriqin ky është goli i katërt me fanellën e Mallorca në LaLiga, ndërkohë që ka dhënë edhe një asist në 12 ndeshje të luajtura deri më tani.