Posti për drejtorin e Teatrit të Operas/ Shtyhet afati, zbulohen emrat e kandidatëve

Ministria e Kulturës ka shtyrë afatin e dorëzimit të aplikimeve për postin e Drejtorit të Përgjithshëm të Teatrit Kombëtar të Operas dhe Baletit.

Burime  bëjnë me dije se në garë për postin e Drejtorit të përgjithshëm të Teatrit Kombëtar të Operas dhe Baletit deri më tani janë Zana Çela, Josif Gjipali, Gezim Xhaxhaj, Kleanthi Jika.

Në orët në vijim pritet që të bëhen publikë dhe emrat e tjerë duke qenë se është shtyrë afati i aplikimeve deri më 6 mars. Shtyrja e afatit është bërë për t’u dhënë më shumë kohë për të kandiduar duke qenë se ka pasur paqartësi për kriteret.