Tjetër çështje në arbitrazh/ Rama i paguan 650 milionë lekë studios ligjore

Duket se qeveria shqiptare do të paguajë miliona euro të tjera në arbitrazh ndërkombëtar për kontrata të anuluara.

Një tjetër çështje në Arbitrazh, ku qeveria do të japë 650 milionë lekë studios ligjore për anulimin e vendimit ndaj kompanisë që do ndërtonte inceneratorët.

Ky është rasti edhe shpërblimi e studios “Gowling” WLG për procesin e anulimit të vendimit të arbitrazhit ndërkombëtar, datë 20.3.2020, ICSID Case no.ARB/14/26.

Ky arbitrazh i anuluar ishte ndërmjet shoqërisë “Albaniabeg Ambient”, sh.p.k., dhe të tjerë (“M.Angelo Novelli” dhe “Costruzioni S.R.L.” “IÇ kundër Hydro S.R.L.””,), kundër Republikës së Shqipërisë.

Kështu qeveria shqiptare i ka kaluar ministrisë së Turizmit dhe Mjedisit plot 65 000 000 lekë që do të përballohen nga fondi rezervë i buxhetit të shtetit për vitin 2022.

Një tjetër çështje është ajo Albaniabeg Ambient Sh.p.k, M. Angelo Novelli and Costruzioni S.r.l. Edhe për këtë të fundit zhvillimet e fundit rezultojnë në 24 nëntor 2020 kur nga Gjykata është lëshuar një urdhër për çështje procedural. Kompania në fjalë është sërish një histori e vjetër kontratash e cila parashikonte ndërtimin e një impianti për djegie mbetjesh dhe prodhim energjie. Gjykata i dha të drejtë shtetit shqiptar në fazën e parë por më pas u kërkua anulim i vendimit nga paditësi kundër Shqipërisë  dhe çështja rezulton ende në pritje për një vendim final.