Gjykata e Fierit ka dhënë sot dënimin për katër autorët që kryen një vrasje makabre në janar të viti 2020. Kujtojmë se asaj kohe 3 të rinj përdhunuan dhe më pas e hodhën në rezervuar Drita Saliajt në fshatin Gjerbës në Mallakastër. Kujtojmë se një nga autorët ishte nipi i burrit të saj, i cili tentoi gjithashtu të fshihte ngjarjen. Për këtë veprim çnjerëzor të të rinjve, gjykata ka dënuar si fajtor me burgim të përjetshëm Ervis Zotajn, ndërsa dy të miturit Sindi Shehaj dhe Luis Saliaj me 17 dhe 14 vite burgim. Ndërsa familjarët e saj kanë kërkuar burgim të përjetshëm edhe për dy autorët e tjerë.
Çfarë ndodhi në 2020?
Ngjarja e rëndë ndodhi më 6 janar 2020 në Mallakastër. 3 të rinj grabitën, përdhunuan dhe më pas mbytën me peshqir Drita Saliajn. Krimi u pranua nga të rinjtë, ndërsa shkak dyshohet se ishte një sasi parash që gruaja kishte në shtëpi.
Ata kishin shkuar në banesën e saj ku ajo i kishte pritur dhe iu kishte dhënë ushqim, ku pas krimit, policia gjeti 4 pjata me ushqim dhe 1 gotë ujë. Fillimisht në polici shkoi të denonconte kunata e viktimës bashkë me njërin nga autorët, që fillimisht ishte shfaqur si i shqetësuar, Luis Saliaj.
Nënë e bir, kanë denoncuar zhdukjen e të afërmes së tyre, Drita Saliaj, e cila jetonte vetëm pasi burri dhe fëmijët ishin në emigrim. Më pas Luis Saliaj ka rrëfyer krimin dhe ka treguar edhe vendin ku është hedhur trupi i gruas. Drita Saliaj u gjet e mbytur me një peshqir në qafë dhe e zhveshur nga mesi e poshtë pasi autorët e kishin përdhunuar. Autori kryesor i ngjarjes është Ervis Zotaj, ndërsa Sindi Shehaj dhe Luis Saliaj janë bashkëpunëtorët e tij.
Discussion about this post