Kryeministrit Edi Rama është treguar i prerë në deklaratën e tij se nëse ish-kryeministrit Sali Berisha vjen në krye të PD, socialistët do të ndërpresin çdo marrëdhënie me këta të fundit.
Rama tha se me Berishën në pjesë të PD, partia do të katandiset më keq, ndërsa shtoi se për ta Berisha nuk ekziston nga ana institucionale.
“Ne do ta bëjmë këtë përpjekje se kemi detyrim ndaj vetes, ndaj njerëzve që na kanë zgjedhur dhe nuk na kanë zgjedhur. Detyrim ndaj vendit ti japim një president që nuk është njëri nga ne këtu, sidoqoftë pavarësisht se në këtë derexhe ku jeni katandisur e do shkoni me keq, e keni parë që mua më dalin fjalët, prisni do shkoni më keq. Jeni të gjithë të zgjedhur. Ata që u zgjodhën nuk e dinin që do ua punonit kështu. Jeni një fakt dhe realitet. Por ndërkohë do ishte mirë. E para me Saliun ne nuk kemi punë, për ne është i vdekur. Kuptohet politikisht dhe jo biologjikisht, biologjikisht sinqerisht i urojmë jetë të gjatë. Me të vdekurin që e keni në mes të shtëpisë dhe s’dini ç’ti bëni mos na ngatërroni. Ne nuk e zgjedhim kush e drejton Grupin Parlamentar, apo Partinë Demokratike, nëse zgjidhni ta drejtoje një i vdekur, ndërpresim çdo marrëdhënie me PD”, tha Rama.
Discussion about this post