Deputeti i Partisë Demokratike, Dashnor Sula, në një intervistë për mediat tha se Partia Demokratike nuk duhet të bojkotojë procesin e zgjedhjes së Presidentit të Rpublikës. Sipas tij, Partia Demokratike e ka provuar bojkotin si strategji dhe nuk ka funksionuar, çka do të thotë se ne duhet t’i bashkohemi këtij procesi, pavarësisht se si po ndodh apo se çfarë perceptimi ka lidhur me të.
“Jemi në këtë situatë për shkak të atyre ndryshimeve Kushtetuese të vitit 2008, ku iu dha mundësia një mazhorance qeverisëse, që të zgjedhë edhe Presidentin në raundin e 4 apo të 5 me 71 vota. Zgjedhja e Presidentit është një çast shumë i rëndësishëm, ndaj dhe nuk duhet të bojkotohet si proces” – tha Sula.
Discussion about this post