Abuzimi me fondin e shtetit ka kapur caqet, ndërsa për shërbimet më të vogla hidhen tenderë me miliona lekë në një kohë ku qytetarët çdo fund muaji bëjnë llogaritje shpenzimesh të gjërave bazë për të përballuar jetesën.
Por siç edhe kemi specifikuar në artikujt tanë, Bashkia Tiranë e ka bërë të udhës që të shfrytëzojnë mundësinë e tenderëve për të përfituar në mënyrë indirekte para nga buxheti i popullsisë shqiptare.
Një tjetër procedurë tenderimi është hapur nga Bashkia e Lali Erit përmes Agjencisë së Mbrojtjes së Konsumatorit dhe ka marrë flamur të kuq, pasi ka mungesë konkurrence.
Automatikisht është shpallur fitues operatori i privilegjuar.
Gijotina.com ka siguruar dokumentin. Në procedurën e publikuar në datë 25 prill 2022, me numër reference REF-22941-03-24-2022 dhe mbishkrimin “Mungesë konkurrence”, Agjencia e Mbrojtjes së Konsumatorit kërkon të blejë 1 249 811 pa TVSH ose rreth 13 milionë lekë të vjetra, uniforma për punonjësit.
Automatikisht fitues është shpallur operatori “GENTIAN SADIKU”, i cili ka ofruar vlerën më të lartë dhe nuk ka lejuar që të marrin pjesë operatorë të tjerë konkurrues, gjë që është në kundërshtim më ligjin e prokurimit.
Jo se jemi kundër që punonjësit e AMK të pajisen me uniforma, por AMK kërkon t’i blejë ato në mënyrë urgjente në këtë kohë krize e rritjesh të çmimeve e për më tepër përmes tenderëve. Kjo e fundit përforcon dyshimet se qëllimi i kësaj blerjeje nuk është gjë tjetër veçse shfrytëzimi i fondit të shtetit.
Duket se AMK e ka bërë të udhës që tenderët me vlerë të lartë t’ia japë një kompanie. Abuzimi me fondin e shtetit, është duke kaluar çdo pritshmëri.
Hapja e kësaj procedure vjen në një kohë kur buxheti i shtetit është duke u përballur me një serë emergjencash kriza energjetike si dhe rritja e çmimeve të ushqimeve dhe karburantit. A.L/gijotina.com
Discussion about this post