Një ngjarje e rëndë ka ndodhur pasditën e djeshme në Greqi ku mësohet se një 15-vjeçar është qëlluar me plumb në kokë nga një bashkëmoshatar, duke ndërruar jetë. Sipas mediave greke, në momentin e incidentit të dy prindërit e 15-vjeçarit kanë qenë në punë dhe ngjarjen e kanë mësuar nga fqinjët.
Informacionet thonë se fillimisht nuk kishin informacione se plagët e të riut kanë ardhur si pasojë e të shtënave pasi fillimisht shoku i tij ka raportuar se ai është rrëzuar dhe ka goditur kokën. Thuhet se ai e qëlloi teksa po i tregonte armët e gjuetisë së të atit.
“Pamë ambulancën të merrte fëmijën dhe menjëherë kuptuam se kishte ndodhur diçka e keqe. Të dy i njihnim fëmijët dhe ata ishin miqtë më të mirë . Babai i fëmijës ndoshta e kishte armën në shtëpi pasi shkonte për gjueti, por nuk e kishte kurrë në një vend të dukshëm në shtëpi. Lëre më t’ia jepni fëmijës,”-tha një fqinj.
Fqinjët e 15-vjeçarit që qëlloi aksidentalisht shokun e tij, kanë treguar se ata ishin shokë të ngushtë që nga shkolla fillore dhe shoqëroheshin shumë shpesh me njëri-tjëtrin.
Sipas informacioneve, 15-vjeçari që u qëllua u transportua në spital ku mjekët luftuan për ta mbajtur në jetë por pa sukses. Në burg ndodhet i mituri së bashku me të atin, 56-vjeçar.
Discussion about this post