Policia e Shkodrës ka arrestuar një 49-vjeçar për veprën penale mbajtja pa leje e armëve dhe prodhimi dhe shitja e narkotikëve. 49-vjeçari është banues në fshatin Pistull, Vau i Dejës. Sipas policisë, pas kontrollit në mjetin tip “Volksëagen” që drejtohej nga 49-vjeçari, kanë gjetur dhe sekuestruar një armë zjarri, me një krehër me fishekë, si dhe një sasi lëndë narkotike kanabis.
Gjithashtu, gjatë kontrollit në banesën e tij, u gjetën një armë zjarri automatik, me një krehër me fishekë, 4 krehra, rreth 200 fishekë të llojeve të ndryshme, 26 kapsolla detonatore, 6 detonatorë elektrik, 1 kallëp si ajo e lëndës eksplozive, 2 fitil zjarrpërcjellës dhe një dorezë ebaniti, të cilat u sekuestrua në cilësinë e provës materiale.
Discussion about this post