Procesi i votimit për kreun e degës së Partisë Demokratike në Bulqizë, pritet të niste në orën 08:00 të mëngjesit është shtyrë.
Mësohet se shkak është bërë shtimi i numrit të votueseve nga PDSH. Nga 1700 që ishte lista, mbrëmë vonë ka sjellë një tjetër listë me 2258 votues. Kjo ka bërë që 2 kandidatët Defrim Fiku dhe Fatos Hoxha nuk kanë lejuar nisjen e procesit të votimit.
Anëtari i komisionit Shkëlqim Tançi shprehet se në lista janë mbi 20 votues të majtë që punojnë në administratë të bashkisë Bulqizë dhe se nuk kanë qenë pjesë e strukturës se PD në Bulqizë.
Kandidatet që garojnë janë:
-Defrim Fiku
-Fatos Hoxha
-Shaqir Manjani
Zgjedhjet sipas parimit një anëtar, një votë janë zhvilluar në disa nga degët e PD-së në vend, ndërsa pritet që procesi të përfundojë javën e ardhshme, ku më 30 prill do të mbahet Kongresi i radhës i PD.
Discussion about this post