Ermal Mamaqi është një nga personazhet më të dashur për publikun. Komediani i cili së fundmi ushtron dhe rolin e trajnuesit për njerëz që duan të motivohen dhe të marrin shembull nga historitë e suksesit, ka postuar një video në Instagram të cilën të gjithë e morën seriozisht deri kur Ermali vendosi t’i jepte kthesë rrëfimit të tij.
Ai tregoi një situatë që i kishte ndodhur në një udhëtim me Amin dhe fëmijët. Kur kishin zbritur për të ngrënë mëngjesin në një hotel që ofronte bufe, Ermali kishte marrë ushqimin e tij dhe kishte nisur ta konsumonte, ndërsa Ami kishte mbushur ushqim për dy fëmijët pastaj kishte nisur të hante për vete.
“Kjo është e padrejtë,” – tha Ermali me seriozitet, e ndërsa ndjekësit menduan se ishte gati për të dhënë një mesazh mbi barazinë gjinore, aktori u shpreh se duhet ta ndihmonte dhe atë jo vetëm fëmijët.
Sarkazma sigurisht është për t’u vlerësuar. Me humor dhe duke vënë në lojë atë pjesë të shoqërisë që nuk i respekton sa duhet vajzat dhe gratë Ermali diti të na rikujtojë duke qeshur rëndësinë e gjinisë femërore në jetën tonë.
View this post on Instagram
Discussion about this post