Ministri i Jashtëm i Serbisë, Nikolla Selakoviç ka reaguar ndaj kryeministrit Albin Kurti, për fyerjet që i ka bërë për presidentin Aleksandër Vuçiç.
Selakoviç në reagimin e tij për mediat ka deklaruar se Vuçiç po ndjek një politikë për garantimin e paqes kombëtare të vendit dhe po merr shumë nisma edhe për zhvillimin e rajonit.
Ai i është drejtuar Kurtit si Hitleri i vogël ballkanik, që kërkon pushtimin e veriut të Kosovës dhe të Metohisë.
“Ndërsa Aleksandër Vuçiç ndjek një politikë që vendos sigurimin e paqes dhe stabilitetit jo vetëm si synim kombëtar të Serbisë, por gjithashtu sheh një ruajtje shumë më të gjerë të të gjithë rajonit tonë. Ai po ndërton nisma rajonale si Ballkani i Hapur, duke ndërtuar autostrada, të cilat gjithnjë e më shumë lidhin kryeqytetet e rajonit, Vuçiç ka treguar gatishmërinë për të ndihmuar gjithë Ballkanin Perëndimor me atë që i mungon tregut, qofshin vaksina, respiratorë apo grurë e misër. Nga ana tjetër, Hitleri i vogël ballkanik, vetëm ëndërron se si të pushtojë veriun e Kosovës dhe Metohisë me zjarr e shpatë, si te serbët e anuar nga faqja e dheut dhe si të krijohet e ashtuquajtura Shqipëria e Madhe”, ka thënë ministri.
Ministri i Jashtëm ka theksuar se Kurti nuk merret me asgjë tjetër tjetër përveç ideve, gënjeshtrave dhe provokimeve të Hitlerit dhe do të ishte mirë që kjo gjë të ndalej me kaq.
“Hitleri i vogël ballkanik nuk merret me asgjë tjetër përveç ideve, gënjeshtrave dhe provokimeve të Hitlerit dhe do të ishte mirë të ndalet me kaq, por kur dikush është Hitleri i vogël ballkanik, asgjë nuk mund të të befasojë prej tij”, ka thënë Selakoviç.
Discussion about this post