Cirku i ri Kombëtar mund të vendoset në një prej lagjeve të reja të Tiranës që po ndërtohen për të strehuar banorët që humbën banesat nga tërmeti, ka pohuar ministrja e Kulturës, Elva Margariti.
Margariti theksoi se ende nuk ka një projekt specifik dhe ende nuk mund të flitet për kohën e ndërtimit të cirkut apo edhe koston.
“Ne jemi në bisedime me Bashkinë e Tiranës për lagje të reja të cilat po rindërtohen post tërmetit, për të alokuar në një prej këtyre dhe këtë hapësirë (cirkun) të munguar”, tha ministrja.
Margariti po ashtu foli për krijimin e një ‘polit të ri kulturor’ që përfshin dhe ndërtimin e Bibliotekës së re Kombëtare dhe Qendrën Kulturore Kombëtare për Fëmijë.
Discussion about this post