Drejtori i Policisë së Shtetit, Gledis Nano do të zhvillojë një takim me strukturat arsimore mesditën e sotme. Në një njoftim për mediat, mësohet se krah Nanos do të jenë përfaqësues të Drejtorisë Arsimore Tiranë, drejtorët e shkollave 9-vjeçare dhe të mesme të Tiranës, presidentët e qeverive të nxënësve dhe oficerët e sigurisë në këto shkolla.
Nuk dihet ende se për çfarë do të diskutohet në këtë takim, por çështja kryesore mund të jetë siguria në shkolla, ose hyrja në vend e kanabis bonsai që po kthehet në problem të madh.
“Në orën 12:00, në një nga sallat e hotel “Sheraton”, Drejtori i Përgjithshëm i Policisë së Shtetit, Gledis Nano do të zhvillojë një takim me pjesëmarrjen e Drejtorisë Arsimore Tiranë, drejtorët e shkollave 9-vjeçare dhe të mesme të Tiranës, presidentët e qeverive të nxenësve dhe oficerët e sigurisë në këto shkolla. Ju ftoj të merrni pjesë!”, shkruhet në njoftim.
Kjo lëndë narkotike, në dukje imitim i kanabisit, është një prodhim sintetik që kushton më pak së marijuana në tregun kriminal të lëndës narkotike por është shumë herë më e rrezikshme se heroina. Konsumi i kësaj lëndë narkotike shkakton çrregullime të rënda mendore, haliçinacione si dhe veprime të pa kontrolluara deri në forma më agresive.
Discussion about this post